Pasditen e sotme i gjithë vendi është përfshirë nga reshje shiu duke shkaktuar dëme dhe përmbytje në disa zona. Reshjet e shiut kanë shkaktuar përmbytje masive në zonën e Zharrëz në Bashkinë e Patosit.

Mësohet se përmbytjet kanë përfshirë afro 15 hektarë toka bujqësore, duke përfshirë këtu sera dhe një pulari me 10 mijë krerë pula.

Burime për Report TV bëjnë me dije se dëmet janë shumë të mëdha në këtë zonë.

Ndërkohë, Bashkia e Patosit ka ngritur edhe Grupin e Emergjencave Civile për të marrë masat e nevojshme për përballimin e situatës së krijuar.

Reshjet e shiut duken se do vazhdojnë edhe për disa ditë të tjera, situatë e cila nuk favorizon rikuperimin e dëmeve në këto zona.