Vettingun në politikë/ Meta kundër: I domosdoshëm të bëhet, të gjenden mënyra për realizimin

POGRADEC - Presidenti Ilir Meta ka komentuar nga Pogradeci debatin mes maxhorancës dhe opozitës për Vettingun në politikë. Në një kohë kur shumica parlamentare kishte rrëzuar draftin e opozitës (Lexo këtu), kreu i shtetit thotë se një nismë e tillë është e domosdoshme të bëhet, duke shtuar se duhen gjetur mënyra për realizimin. Sipas kreut të shtetit, duhet të kemi një ndarje të politikës nga segmente të krimit të organizuar.

Mesazhi është që reforma në drejtësi duhet bërë seriozisht. Kushtetuta duhet respektuar seriozisht. Dhe vettingu është i domosdoshëm dhe duhet gjetur mënyra për realizimin e tij që të kemi një ndarje të qartë të politikës nga aktivitetet kriminale.

Ilir Meta, president
Nga Pogradeci, Meta ka folur edhe për protestën e studentëve duke përsëritur se kërkesat e tyre duhet të marrin zgjidhje. Sa i takon dëbimit të ambasadorit iranian, Meta tha se mbështet plotësisht këtë vendim të qeverisë.