Monika Kryemadhi ka mbajtur një qëndrim të diferencuar ndaj kryetari të bashkisë së Tiranës, Erion Veliaj në raport me pjesën tjetër të opozitës. Te "5 pyetjet nga Babaramo", kryetarja e LSI-së u shpreh do t?i qëndronte fjalëve të saj pasi nuk mund ta mohonte punën e tij. "I qëndroj fjalëve të mia. Nuk e mohoj dot që s?ka shkolla dhe çerdhe. Nuk e mohoj dot që rrugët po pastrohen. Mandatin e tij i dytë do ta rrezikonte shumë kryetarllikun e Edi Ramës në krye të PS-së. Edi Rama nuk duron dot njerëz që e kalojnë popullaritetin që ka ai. Edhe Fatmir Xhafajn për këtë arsye e shkarkoi. E pamë të nesërmen në krah të Lali Erit. Për mua thonë ose pjesë e makinerisë së Lali Erit, ose pjesë e makinerisë së Edi Ramës për të tkurrur Erion Veliajn. Këta njerëz pse nuk shkruan për blerjën e anëtarve të LSI-së në Bashkinë e Tiranës, apo edhe kalimin e kompetencave për çështjen e Teatrit. Pse nuk shkruan kurrë? Rama e bën ushtarin e vet dhe e bën të shkelë ligjin sepse nuk e duron dot zhurmën. Të huajt kanë ndikuar që ai të kandidonte. Soros ka ndërhyrë që Veliaj të vihej në kandidim në Tiranë", u shpreh Kryemadhi.