Report TV - Rama: Biznesi në Shqipëri është një realitet i ri i historisë sonë

Në çeljen e panairit Klik Ekspo Group, kryeministri Rama u shpreh se sfidat për Shqipërinë janë të mëdha dhe se se investitorët e huaj mund të gjejnë në vendin tonë, partnerë të besueshëm biznesi.
?Sfidat janë të mëdha, janë shumë më komplekse dhe vetëm fuqia e besimit mund të na bëjë të gjithëve që tu qasemi sfidave me mundësinë reale për ti fituar ato. Sot biznesi shqiptar është një realitet i ri i historisë sonë, një realitet i konsoliduar dhe produktet Made in Albania janë duke u zhvilluar dhe rritur qoftë sa i përket zgjerimit, qoftë fuqisë me rritme të konsiderueshme dhe cdo vit më të larta. Sot kompanitë e huaja që vijnë në vendin tonë jo vetëm mund të gjejnë mundësi të reja investimi por mund të gjejnë partnerët të besueshëm me të cilët mund të bashkohen dhe të synojnë realizmin e ambicieve?, u shpreh Rama.