Report TV - 'Elbasani',Xhafaj: Analizë të thellë dy grupeve Çela e Çapja

TIRANE-Ministri i Brendshëm, Fatmir Xhafaj ka folur për herë të parë për incidentin në Elbasan ku u sulmua makina e policisë së shtetit gjatë një aksioni. Xhafaj deklaroi se ka urdhëruar një hetim të thellë për atë që ka ndodhur në Elbasan dhe për dy bandat Çapaj dhe Çelaj, por edhe për ata që kanë nxjerrë pamjet e momentit të incidentit.

Ai tha se prokuroria është organi përgjegjës për hetimin dhe së bashku me policinë ende nuk e ka thënë fjalën e fundit për hetimet. Xhafaj siguroi se cilido që është i përfshirë në këtë ngjarje nuk do i shpëtojë hetimit.

?Kam kërkuar një analizë të plotë që të nxjerr në pah shkaqet e vërteta të këtyre ngjarjeve kriminale të këtyre dy grupeve kriminale Çelajt dhe Çapjat Ngjarjet e fundit të Elbasanit janë rrjedhojë të rritjeve të veprimeve të policisë ndaj tyre.

Kam urdhëruar një analizë të plotë të kësaj ngjarje në Elbasan , një analizë të plotë që të nxjerrë në pah shkaqet e vërteta në lidhje me këto grupe kriminale, iu kam kërkuar shërbimit të kontrollit të brendshëm të analizojnë veprimet dhe mos veprimet e policisë pa pasur parasysh pozicionin që kanë në funksion të zbardhjes së ngjarjes

Problemet e policisë në Elbasan do jenë pjesë e një analize të thellë. Është shumë e rëndë dalja në publikë i materialeve sekrete për hetimin dhe i kam kërkuar policisë hetimin edhe për këtë. Me keqardhje konstatoj se në këtë sallë u përpoq të përfitohet politikisht nga kjo situatë.