Eurodeputetja Doris Pack e njohur për qëndrimet pranë Partisë Demokratike gjatë vizitës në Shqipëri ku mori pjesë në 'Lidhja Demokratike e Gruas' deklaroi se shikon një mungesë vullneti për zbatimin e ligjit të dekriminalizimit, ndërsa kërkoi zbatimin sa më të shpejtë të Reformës në Drejtësi.

Eurodeputetja kërkoi gjithashtu miratimin sa më të shpejtë të Reformës Zgjedhore dhe procesi në 18 qershor të jetë me standardet Europiane.

"Ndiej keqardhje për situatën në Shqipëri. Kam ndjekur me kujdes raportimin në media dhe e kuptoj sa e vështirë është situata në Shqipëri dhe ajo që kam lexuar dhe dëgjuar më trishton.

Besoj se ka një mungesë vullneti për dekriminalizimin, drogën dhe luftën ndaj krimit të organizuar. Dhe me të vërtetë më ka ardhur keq që persona të dënuar për shumë vite janë liruar dhe këtë nuk arrij ta kuptoj.