Report TV - Projektligji, 34 mijë mësues tek psikiatri, test për punën

Nuk do të ketë qetësi dhe siguri për 34630 punonjës arsimorë. Krahas rritjes së pagës me 10 për qind, për mësuesit shtohen edhe sfidat për të mbajtur vendin e punës. Mësuesit e arsimit parashkollor, të arsimit fillor dhe të arsimit të mesëm do të ushtrojnë profesionin e mësuesit vetëm pasi të kalojnë me sukses një testim psiko-emocional.

Kështu parashikon një projektligj i depozituar në Kuvendin e Shqipërisë, i cili ndryshon ligjin nr. 69/2012 për sistemin arsimor parauniversitar në Republikën e Shqipërisë.

Drafti është propozuar nga deputetet Mesila Doda, Albana Vokshi dhe Majlinda Bregu. Drafti synon identifikimin e mësuesve të dhunshëm, mësuesve me çrregullime mendore, me devijime të personalitetit, mësues pedofilë, maniakë etj., për t?u ndërprerë të drejtën e ushtrimit të profesionit.