“Rama ik”! Shkodra në protestë “JO” masave kundër informalitetit

Në Shkodër qytetarët të mbështetur edhe nga përfaqësues të sindikatave kanë protestuar ndaj aksionit të qeverisë kundër informalitetit. Ata kanë kërkuar dorëheqjen e kryeministrit me argumentin se po përdor selektivitetin në masat ndaj biznesit gjatë aksionit kombëtar.

....
?Rama ik? ka qenë thirrja e protestuesve shkodranë nga pedonalja e këtij qyteti. Qytetarë, përfaqësues të biznesit dhe të sindikatave u mblodhën në një tubim, për të kundërshtuar masat e drastike ndaj bizneseve në luftën kundër informalitetit.

Alfred Tukaj, kreu i Bashkimit të Sindikatave në Shkodër, u shpreh se ata mbështesin zbatimin e ligjit dhe luftën kundër informalitetit, por jo masat në mënyrë selektive dhe drastike ndaj biznesit.

Organizatorët shprehen se protestat do vazhdojnë duke kërkuar zbutjen e masave dhe dhënien e kohës së duhur biznesit për tu formalizuar sipas ligjit.

Protestë edhe në Elbasan
Edhe në Elbasan, dega e PD ka denoncuar se bizneset po përjetojnë një situatë të rëndë terrori nga administrata e tatimeve në luftën kundër informalitetit. Nënkryetar Eugen Isaj shprehet se qeveria duhet të nise aksionin nga monopolet të cilat kanë marrë peng qeverinë dhe jo nga biznesi i vogël i cili përbën edhe sektorin më të madh të punësimit në vend. Sipas tij ky ritëm do të nxjerrë shumë qytetarë në rrugë.