କାଦୁଅ ରାସ୍ତାରେ ଚାଲି ଚାଲି କନ୍ୟା ଘରେ ପହଞ୍ଚିଲା ବର, ଅଧାରେ ଅଟକିଲା ଡିଜେ ଗାଡି

ସମ୍ବଲପୁର: ବିବାହ ଦିନ ବର ବେଶରେ ସଜେଇ ହୋଇ ବାଜା ବଜାଇ ରୋଷଣୀ ଧରି କନ୍ୟା ଘରକୁ ବାହାରିଥିଲା ବର । ଫୁଟୁଥିଲା ବାଣ, ବାଜୁଥିଲା ଡିଜେ... ନାଚୁଥିଲେ ବରଯାତ୍ରୀ । କିନ୍ତୁ ଏ ଖୁସି ବାସ କିଛି ସମୟ ପାଇଁ ଥିଲା । କନ୍ୟା ଗାଁରେ ପହଞ୍ଚିବା ପୂର୍ବରୁ ପାଣିରେ ମିଳାଇଗଲା ସବୁ ସ୍ବପ୍ନ। ରେଲୱେ ଅଣ୍ଡରପାସରେ ବର୍ଷା ପାଣି ଜମି ରହିବାରୁ ଶେଷରେ ରେଳଧାରଣା ପାର ହୋଇ କାଦୁଅ ପଚ ପଚ ରାସ୍ତାରେ ଚାଲି ଚାଲି ଯାଇ କନ୍ୟା ଘରେ ପହଞ୍ଚିଲେ ବର ଓ ବରଯାତ୍ରୀ । ଏଭଳି ଘଟଣା ଘଟିଛି ସମ୍ବଲପୁର ଜିଲ୍ଲା ରେଢାଖୋଲ ବ୍ଲକ ଲୁହାପଙ୍କ ପଞ୍ଚାୟତ ହେମାମୁରା ଗାଁରେ।  ଏହା ମଧ୍ୟ ପଢନ୍ତୁ-ଅନ୍ୟ ଜାତିରେ ବିବାହ କଲା ଝିଅ, ଲଣ୍ଡା ହେଲେ ପରିବାରର 40 ସଦସ୍ୟ - RAYAGADA PURIFICATION RITUALସୂଚନାଯୋଗ୍ୟ ଯେ, ରେଢ଼ାଖୋଲ ବ୍ଳକ ଭରତାପୁର ପଞ୍ଚାୟତ ଚୁଡାପୁଡୁଗ ଗ୍ରାମର ଯୁବକ ଆଲୋକ କର୍ଣ୍ଣଙ୍କ କିଛିଦିନ ତଳେ ବିବାହ ହୋଇଥିଲା । ବିବାହ ଦିନ ସେ କନ୍ୟା ଘର ହେମାମୁରା ଗ୍ରାମକୁ ବର ବେଶରେ ସଜେଇ ହୋଇ ଡିଜେ, ବାଜା, ରୋଷଣୀ ଧରି ଆସିଥିଲେ । କିନ୍ତୁ କନ୍ୟା ଘର ଯିବାକୁ ଏକମାତ୍ର ରାସ୍ତା ରେଲୱେ ଅଣ୍ଡରପାସରେ ବର୍ଷା ଯୋଗୁଁ ଜମିଥିଲା 4 ଫୁଟର ପାଣି।  ଫଳରେ ଅପର ପାର୍ଶ୍ୱରେ ଡିଜେ ଗାଡ଼ି ସହ ବର ଓ ବରଯାତ୍ରୀ ଗାଡ଼ି ଅଟକି ଯାଇଥିଲେ । ପରେ ବର ଓ ବରଯାତ୍ରୀ ଲୋକେ ରେଲୱେ ଲାଇନ ପାର କରି ଚାଲି ଚାଲି କନ୍ୟା ଘରେ ପହଞ୍ଚିଥିଲେ ।  ଇଟିଭି ଭାରତ, ସମ୍ବଲପୁର