कोरोनामुळे मूर्तिकार आर्थिक संकटात | Marathi News I Live Marathi News | मराठी बातम्या | Sakal Media
  • 3 years ago
गुमगाव (जि. नागपूर) : गोकुळाष्टमी, गणपती उत्सव अवघ्या काही दिवसांवर येऊन ठेपला आहे. कृष्णमूर्ती, घरगूती आणि सार्वजनिक गणेशमूर्तींची नोंदणी दहा टक्के सुद्धा न झाल्याने मूर्ती साकारणारे व्यावसायिक अडचणीत सापडले आहेत. दरवर्षीच्या मागणीनुसार गणेशमूर्ती तयार असून, रंगकाम करायचे की नाही, अशा द्विधा मनस्थितीत सध्या परिसरातील मूर्तिकार दिसून येत आहेत. काही वर्षांत मूर्तीसाठी लागणारी माती, रंगासोबतच इतर आवश्‍यक साहित्याचे भाव वाढलेले आहे. यंदा सर्व तयारी मूर्तिकारांनी करून ठेवली होती. मात्र, कोरोनामुळे त्यांच्या सर्व तयारीवर पाणी फेरल्या गेले आहे. वर्षभर आतुरतेने प्रतीक्षा करीत असलेला हंगामच आता हातून जाणार असल्याच्या भीतीने आता करायचे तरी काय, असा प्रश्न मूर्तिकारांना पडला आहे. काही दिवसांवर येऊन ठेपलेल्या गणेशोत्सवात 'जगावर आलेले कोरोनाचे विघ्न कायमचे जाऊ दे' असे मूर्तिकार विघ्नहर्त्यासमोर मनोमन प्रार्थना करीत आहे.
(व्हिडिओ : रवींद्र कुंभारे)
Sakal Media Group is the largest independently owned Media Business in Maharashtra, India. Headquartered in Pune, Sakal operations span across newspapers, TV (SAAM TV), magazines, Internet, and Mobile. With a heritage of over 82 years Sakal Media Group Publishes the number 1 Marathi Newspaper in Maharashtra and also owns and operates its TV channel named SAAM TV.
Recommended