Report TV -Meta publikon videon e zjarrit në Priskë: I pajustifikueshëm mosangazhimi i zjarrfikësve

Presidenti Ilir Meta ka ngritur si shqetësim vatrën e zjarrit në zonën e Priskës në kryeqytet mbrëmjen e sotme. Përmes një videoje shikohet qartë vatra e zjarrit që po djeg një sipërfaqe toke dhe banorët që po mundohen ta shuajnë. Ai u bën thirrje autoriteteve qendrore dhe vendore që të mos humbin kohë në marrjen e masave të menjëhershme dhe efektive të emergjencës për shuarjen e zjarrit duke e konsideruar të pajustifikueshëm mosangazhimin e tyre në zjarrin që po djeg prej orësh. Meta e ka quajtur një krim të rëndë mjedisor duke theksuar se duhet të mbahet përgjegjësi ligjore.