Ekspertet kerkojne zbutje te taksimit te punes |Lajme-News

Ekspertët e ekonomisë kërkojnë që qeveria të rishohë dhe njëherë politikën e taksimit të punës. Për profesorin e ekonomisë Selami Xhepa, edhe në momentin që taksa e të ardhurave personale është progresive, ajo nuk duhet të dekurajojë individët që të punojnë duke i taksuar njëherë në burim, dhe njëherë gjatë plotësimit të deklartës vjetore të të ardhurave për ata që janë të dypunësuar ose që realizojnë të ardhura më të larta se 2 milionë Lekë në vit.
Eduart Gjokutaj, ekspert për çështjet fiskale, thotë se reforma e taksimit progresiv nisi në vitin 2014, por u la në mes, ndërsa vendi ynë rezulton me barrën më të lartë fiskale mbi punën nëse krahasohet me vendet e rajonit, çka e bën atë jo konkurrent.
Ekspertët sqarojnë se në rastin kur individi taksohet për pagën 23%, biznesi taksohet për të njëjtat të ardhura 15%, madje i njihen dhe shpenzimet për efekt tatimi. Ata thonë se taksa 23% për pagat mbi 150 mijë lekë takson shtresën e mesme dhe jo të pasurit.
E pyetur për këtë çështje nga televizioni Klan, ministrja e Financave dhe Ekonomisë Anila Denaj tha se qeveria nuk do të heqë dorë nga progresiviteti as në programin e saj për një mandat të 3-të, por pa zbuluar nëse do të ketë një zbutje të taksës mbi pagën në të ardhmen.


SUBSCRIBE to ?RTV KLAN? on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/