Qyteti i Portland-it ishte këtë fundjavë, epiqendra e trazirave në vazhdim të protestave anti-racizëm të shkaktuara nga vrasja në maj e afro-amerikanit George Floyd.

Një person u vra gjatë përplasjeve të dhunshme mes mbështetësve të presidentit Trump dhe grupeve të protestuesve anti-racistë.

Policia lokale tha se viktima është një i ri i bardhë, i cili sipas mediave amerikane ishte pjesë e grupimeve të ekstremit të djathtë. Ai u qëllua me armë nga persona ende të paidentifikuar, për të cilët policia është vënë në kërkim.

Dhuna nisi pasi një autokolonë prej rreth 600 automjetesh me më shumë se 1 mijë mbështetës të kandidatit republikan Donald Trump hynë në qendër të qytetit për të zhvilluar një tubim elektoral. Ata u gjendën përballë sulmeve të aktivistëve të lëvizjes ?Black Lives Matter?, të cilët u përpoqën të pengonin hyrjen e tyre.

Portland ka qenë një ndër qytetet kryesore të lëvizjeve anti-raciste pas vrasjes së George Floyd, ku protestat kanë sjellë kaos dhe plaçkitje. Kjo ka qenë edhe arsyeja pse Trump i ka etiketuar shpesh herë manifestuesit si grupe plaçkitësish dhe anarkistësh.

SUBSCRIBE to ?RTV KLAN? on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/