Pandemia godet në qytetin e gurtë! Për 3 muaj, kalanë Gjirokastër e vizituan vetëm 850 persona

U restaurua pazari karakteristik, fasadat e muret e shtëpive muzeale, por edhe pse më e bukur se kurrë, Gjirokastra është braktisur këtë vit. Pandemia ka dëmtuar rëndë qytetin e gurtë. Shumë hotele, hane e bujtina janë mbyllur.

Numri i vizitorëve numërohet me gishtat e dorës në muze, kalanë e qytetit dhe shtëpitë karakteristike. Me qindra prenotime janë anuluar, ndërsa të vetmit vizitorë janë ata vendas që qëndrojnë pak orë në Gjirokastër.