Lamborghini “fluturon” me 236 km/h ne autostraden Fier-Vlore |Lajme-News

Edhe pse fluksi i automjeteve nëpër rrugët shqiptare është i lartë gjatë fundjavës, kjo nuk e ka penguar këtë drejtues automjeti që të udhëtojë me shpejtësi skëterrë në autostradën Fier-Vlorë.

Kjo makinë sportive luksoze Lamborghini është kapur nga radarët e policisë rrugore duke udhëtuar me 236 km/h në një autostradë ku shpejtësia maksimale e lejuar është 110 km/h.

Sapo u konstatua shpejtësia marramendëse, mjeti u ndalua nga punonjësit e policisë rrugore. Këta të fundit i komunikuan drejtuesit shkeljen që kishte kryer duke i treguar edhe shpejtësinë e lartë me të cilën udhëtonte. Ndaj shoferit u mor masa administrative e pezullimit të lejes së drejtimit dhe u nxorr në komision.

Vetëm gjatë mëngjesit të së shtunës, policia rrugore ka hequr 21 patenta gjatë monitorimit të lëvizjes përgjatë aksit nacional Tiranë-Vlorë.


SUBSCRIBE to ?RTV KLAN? on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/