Dalja nga kriza ligjore do të kërkohet te zgjedhjet

Në kushte të kuvendit të shpërndarë dhe gjendjes së jashtëzakonshme tashmë gati dy muaj, pasiguria politike pritet të tejkalohet në takimin e liderëve pas të cilit do të dihet- nëse do të vazhdohet gjendja e jashtëzakonshme e cila mbaron më 16 maj apo do të fillojnë të rrjedhin afatet zgjedhore. Profesori universitar, Borçe Davitkovski shprehet se nuk duhet të bëhet gjimnastikë juridike nga diçka që është shumë e qartë. Shton se në këtë rast, kryetari Talat Xhaferi duhet ta shfuqizoj vendimin e vjetër për zgjedhje më 12 prill dhe të marrë vendim të ri.