Ligji i ri për akcizën, të legalizohet prodhimi i rakisë

Ligji i ri i akcizës, i cili hyn në fuqi më 1 janar, parashikon legalizimin e prodhimit dhe shitjes së rakisë vendore. Qytetarët që prodhojnë mbi 200, por jo më shumë se dy mijë litra raki shtëpie, do të duhet të regjistrohen dhe ta kontrollojnë rakinë nga Agjencia e Ushqimit dhe Veterinarisë. Qëllimi nuk është të fitojë shteti nga kjo akcizë, por të vendosim rend me një prodhim të tillë përpara integrimit në Bashkimin Evropian, thonë zyrtarët. Përndryshe, prodhimi vendor i rakisë, do të duhet të ndërpritet plotësisht.