Report TV -Rruga ku mund të bëheni me 'gurë' në veshka!

Për të shkuar në njësinë Administrative të Frakullës të bashkisë Fier, do të duhet të kalosh në një rrugë të amortizuar dhe gjithë gropa. Kjo problematikë e këtij aksi rrugor të prezantohet sapo del nga rruga nacionale Fier ?Levan për të shkuar në këtë zonë.

Banorët e Frakullës shprehen se kjo situatë vijon prej vitesh dhe të vetmet ndërhyrje që janë bërë ka qenë mbushja e gropave, të cilat hapen sërisht kur bie shi, duke u bërë kështu një burim aksidentesh. Ata shtojnë se janë ankuar shumë herë për këtë situatë por ende nuk është marrë asnjë masë.

Kjo rrugë përveçse banorëve të Frakullës, u shërben edhe fermerëve te disa fshatrave përreth të cilët duhet të kalojnë në këtë rrugë për të shkuar në Levan.