Shumë fshatra çdo ditë e më shumë po boshatisën. Një pjesë e banorëve ia mësyjnë perëndimit, megjithatë shumica largohen për në qytetet më të afërta të vendit si pasojë e mungesës së infrastrukturës. Në fshatin Alldincë të Studeniçanit shtëpitë kanë mbetur të zbrazëta, natën atje është errësirë e plotë. Me vet-iniciativë banorët e shpërngulur duan të përmirësojnë gjendjen, por kërkojnë edhe ndihmën e komunës e cila është në kërkim të projekteve për ndërtimin e rrugës.