Ndotja në Tetovë, sektori civil kritikon pushtetin lokal

Qeveria e Maqedonisë nuk ka as plan e as mjete të parapara për uljen e ndotjes në qytetin e Tetovës, thonë drejtuesit e Ekoguerillës, pas një takimi në Qeveri ku janë njoftuar me masat e Qeverisë në kuadër të planit dy vjeçar. Kjo shoqatë ka propozuar disa masa konkrete, si vendosjen e filtrave në 19 fabrika për prodhimin e mobileve si dhe krijimin e një zone të gjelbër me rreth 150 shtëpi, të cila si lëndë për ngrohje do të përdorin lëndë djegëse që nuk ndotin. Idetë janë pranuar por nga shoqata thonë se vështirë do të realizohen, për shkak të mungesës së fondeve nga ana e Qeverisë.