Pavarësisht se afrohet fundi i gjysmë vjetorit të parë nxënësit e shkollave fillore dhe të mesme përballen me mungesë të librave apo mësojnë nga libra të dëmtuar. Ministri i Arsimit Arbër Ademi qysh në gusht pati premtuar se librat do të gjenden në shitje nëpër librari por deri më tani asnjë nga to nuk është furnizuar me tekstet shkollore. Në mungesë të librave nxënësit përpiqen të mësojnë duke i huazuar nga shokët e tyre apo duke bërë fotokopje.