Goodachari Movie Review గూఢచారి మూవీ రివ్యూ

Goodachari is a spy thriller film directed by Sashi Kiran Tikka and produced by Abhishek Pictures. The film stars Adivi Sesh and Sobhita Dhulipala in the lead roles,with a supporting cast including Prakash Raj, Madhu Shalini and Ravi Prakash. The film features music composed by Sricharan Pakala, Cinematography by Shaneil Deo and editing by Garry Bh. It is released on 3 August 2018. In this occassion, Filmibeat Telugu brings exclusive review.

విభిన్నమైన చిత్రాలకు ఆదరణ పెరుగుతుండటంతో టాలీవుడ్‌లో కొత్త ఆలోచనలతో సినిమాల నిర్మాణం జోరందుకున్నది. ఆ క్రమంలో వచ్చిన చిత్రమే గూఢచారి. అడివి శేషు, శోభితా ధూళిపాల, ప్రకాశ్ రాజ్, జగపతి బాబు ప్రధాన పాత్రలో కనిపించారు. దేశభక్తి ప్రధానంగా సాగిన ఈ చిత్రం ఆగస్టు 3న ప్రేక్షకుల ముందుకు వచ్చింది. యాక్షన్, సస్పెన్స్ అంశాలతో తెరకెక్కిన ఈ కొత్తరకం చిత్రం ప్రేక్షకులను ఎలా మెప్పించిందో తెలుసుకోవాలంటే కథలోకి వెళ్లాల్సిందే.
అర్జున్ అలియాస్ గోపి (అడివి శేషు) దేశ భద్రతకు పాటుపడే రీసెర్చ్ అనాలిసిస్ వింగ్ (రా)లో చేరాలని కలలు కంటాడు. దేశం కోసం పనిచేస్తూ చనిపోయిన తన తండ్రి ఆశయాలను కొనసాగించాలనుకొంటాడు. తన గాడ్ ఫాదర్ సత్య (ప్రకాష్ రాజ్) సంరక్షణలో పెరుగుతున్న అర్జున్ దేశ భద్రతకు సంబంధించిన త్రినేత్ర అనే మిషన్‌లో చేరుతారు. అక్కడ పనిచేసే బృందం (అనీష్ కురివిల్లా, యార్లగడ్డ సుప్రియ (నదియా), వెన్నెల కిషోర్, మధుశాలిని (లీనారాజన్))తో కలిసి పనిచేస్తాడు. ఆ సమయంలోనే సైక్రియాటిస్ట్ (శోభిత ధూళిపాల)తో ప్రేమలో పడుతాడు. కానీ తన ప్రేయసి చేసిన కారణంగా తన అధికారి (అనీష్), మరో మంత్రిని తీవ్రవాదుల కాల్పుల్లో పోగొట్టుకొంటాడు. ఈ క్రమంలో అర్జున్‌పై దేశద్రోహ నేరం మోపబడుతుంది. తన టీమ్‌లోనే ఒకరు తీవ్రవాదులకు సమాచారం అందిస్తున్నారని తెలుసుకొంటాడు. ఈ నేపథ్యంలో తన తండ్రి రానా (జగపతిబాబు) చనిపోలేదని తెలుసుకొంటాడు.