પાટીલે ભાજપ 'અગ્રેસર ગુજરાત' કેમ્પેઇન કર્યું લોન્ચ, જયનારાયણ વ્યાસના રાજીનામાં પર શું બોલ્યા?

ગુજરાત ભાજપના પ્રદેશ અધ્યક્ષ સી.આર.પાટીલના શુભહસ્તે 'અગ્રેસર ગુજરાત' કેમ્પેઇનનો શુભારંભ કરાવ્યો છે. ભાજપના પ્રદેશ કાર્યાલય કમલમ્ ખાતે ભાજપ સાથે અગ્રેસર ગુજરાત કેમ્પેઇન લોન્ચ કરાયું. આ લોન્ચિંગ કાર્યક્રમમાં હાજર સી.આર.પાટીલે કહ્યું કે રેકોર્ડબ્રેક સીટ સાથે ભાજપ જીતશે.

ચૂંટણી ઢંઢેરા માટે ભાજપનું કેમ્પેઇન લોન્ચ કરાયું. પાટીલે કહ્યું કે લોકોના સુચનો એ અમારો સંકલ્પ છે. લોકોના સૂચનો 15 તારીખ સુધી તારવી સંકલ્પ પત્ર જાહેર કરીશું. અમે ગત ચૂંટણીમાં આપેલ 78% વચનો પુર્ણ કર્યા છે.