साताऱ्यात छत्रपती शाहू स्टेडिअमवर महाराष्ट्र कुस्ती स्पर्धेला सुरुवात झाली आहे. तब्बल ५९ वर्षांनी महाराष्ट्र केसरी कुस्ती स्पर्धेचा मान सातारा जिल्ह्याला मिळाला आहे. आज बाळासाहेब पाटील, गृहराज्यमंत्री शंभुराज देसाई, रामराजे नाईक-निंबाळकर यांच्या उपस्थितीत स्पर्धेला सुरुवात झाली. महाराष्ट्र केसरीमध्ये दिल्या जाणाऱ्या गदेला फार मोठा ऐतिहासिक वारसा आहे. दोन वर्षांनंतर ही स्पर्धा होत असल्याने यावर्षी सर्व पैलवान मोठ्या तयारीनिशी फडात उतरले आहेत.
