Kek me karrota Përbërësit: 4 kokrra vezë 200 gr sheqer (1 gotë) 1 pako sheqer vanilje 1 kokërr portokall 1 filxhan çaji vaj vegjetal 300-350 gr miell 1 pako pluhur pjekës 1/2 lugë kafe sodë buke Pak kripë 300 gr karrota Rrush i thatë (opsionale)
Përgatitja: Fillimisht grijmë karrotën në rende të hollë ose në grirësen e qepës. (E largojmë dhe e vendosim në një tas.) Po në të njëjtën grirëse, grijmë edhe një portokall të larë mrë dhe të prerë në feta me gjithë lëkurë. Në tasin me miell shtojmë pluhurin pjekës, sodë dhe pak kripë. Në një tas përziejmë 4 vezë të plota, shtojmë në të sheqerin vanilje, vajin, portokallin e grirë, miellin, I përziejmë mirë dhe në fund shtojmë karrotat duke I përzierë sërish mirë. Të gjithë masën e shtojmë në një tavë ku kemi vendosur fillimisht letër pjekje. Në fund nëse dëshironi mund të shtoni rrush të thatë. E vendosim tepsinë në furrë, në temperaturë 170 gradë Celsius, për 1 orë.
