Supë krem selino Përbërësit: 400 gr selino ½ kokërr qepë 250 gr patate 500 ml lëng pule 1 koncentrat pule Gallina 2 lgj vaj ulliri 1 gotë qumësht 50 gr djath i shkrirë Kripë, piper i zi Bukë e thekur Përgatitja: Në një tenxhere ngrohim vajin e ullirit, shtojmë qepën në kubikë dhe e kaurdisim pak dersia të zbutet. Shtojmë më pas patatet në kubikë të vegjël dhe selinonë të pastruar nga fijet dhe të prerë hollë së bashku me gjethet. I trazojmë së bashku për 2 minuta dhe më pas shtojmë lëngun e pulës se bashku me 1 dado Gallina dhe e lemë supën të ziejë për 15 minuta. Pas kësaj kohe e kalojmë supën në blender dore dhe e kthejmë në krem, shtojmë 1 gotë qumësht dhe djathin e shkrirë dhe e lemë supën sa të flluskojë. E rregullojmë shijen me kripë dhe piper të zi dhe e shërbejmë supën me kubikë buke të thekur ose të kaluar pak në gjalpë.
