Biftekë me salcë dhe bizele 4 biftekë 20 gr gjalp 2 lugë gjelle vaj ulliri pak miell ( 1 lugë çaji) 1 qepë 250 gr pure domate 250 gr bizele dhe karrotë pak borzilok Përgatitja: Ngrohim 2 lugë gjelle vaj dhe 1 lugë gjelle gjalp. Marinojmë mishin me kripë, piper të zi dhe e pudrosim me miell. Vendosim biftekët në zjarr për të skuqur 4 minuta nga secila anë. I largojmë nga tigani dhe I lëmë mënjanë. Në po atë yndyrë kaurdisim qepën të grirë hollë, shtojmë puren e domates, borzilokun duke trazuar vazhdimisht salcën deri sa të shterojë pak. Shtojmë bizelet dhe karrotat si dhe 1/2 gotë ujë dhe e lëmë të valojë. Në fund vendosim biftekët në tigan dhe i lëmë të marrim një valë sëbashku për pak minuta duke shtuar në të dhe 1 lugë kafe gjalp. Mund të shoqërohet me pure patate ose oriz.
