Transporti publik nuk prodhon abone

Transporti urban në kryeqytet është një ndër shërbimet që u hap me më shumë vonesë për shkak të pandemisë së koronavirusit. Pas mbylljes më 12 mars 2020, autobusët urbanë në kryeqytet nisën aktivitetin më 6 Korrik.

Me protokolle sigurie, ku duhej të punohej me vetëm 70% të kapacitetit. Por kjo gjë nuk respektohet. Në orët e pikut, kur njerëzit shkojnë në punë, urbanët janë të tejmbushur. Pasagjerët kërkojnë që të shtohen autobusët pasi rrezikohet përhapja e infeksionit.

Problem është edhe maska. Pothuajse në të gjitha linjat një pjesë e madhe e pasagjerëve janë pa maskë. Përdorimi i maskës është kusht jo vetëm brenda në autobusë, por dhe në stacion kur pret.

Por pasagjerët shprehen se përdorimi i saj është i vështirë pasi nuk ka kondicioner. Ndërkohë që fajësojnë edhe mungesën e kontrolleve për të respektuar masat.

Një tjetër shqetësim i shumë qytetarëve është edhe mungesa e aboneve mujore. Edhe pse nesër fillon Shtatori, ende nuk kanë dal abonetë në treg. Ndërkohë që për muajin korrik dhe gusht ato nuk u hodhën fare në treg.

Pasagjerët shprehen se autoritetet duhet të ndërhyjnë, pasi ata nuk kanë mundësi ekonomike të përballojnë që të paguajnë biletën ditore, pasi gjatë një dite e përdorin 3-4 herë transportin publik.

Klan Plus
SUBSCRIBE to "RTV KLAN" on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund ti ndiqni edhe në faqen https://tvklan.al/programe/