Kuch Itna Khauf Ka Maara hua bhī Pyaar na ho | Waseem Barelvi | Love Sad Poetry | Broken Heart Poetry | Best Poetry | Zee&Poetry

kuchh itnā ḳhauf kā maarā huā bhī pyaar na ho
vo e'tibār dilā.e aur e'tibār na ho

havā ḳhilāf ho maujoñ pe iḳhtiyār na ho
ye kaisī zid hai ki dariyā kisī se paar na ho

maiñ gaañv lauT rahā huuñ bahut dinoñ ke baad
ḳhudā kare ki use merā intizār na ho

zarā sī baat pe ghuT ghuT ke sub.h kar denā
mirī tarah bhī koī merā ġham-gusār na ho

dukhī samāj meñ aañsū bhare zamāne meñ
use ye kaun batā.e ki ashk-bār na ho

gunāhgāroñ pe uñglī uThā.e dete ho
'vasīm' aaj kahīñ tum bhī sañgsār na ho


Facebook:
https://web.facebook.com/ZeeandPoetry

Twitter:
https://twitter.com/ZeeandPoetry

Instagram:
https://www.instagram.com/zeeandpoetry/

#Zee&Poetry