Kya Dukh Hai Samundar Ko Bata Bhī Nahīn Sakta | WASEEM BARELVI | Love Sad Poetry | Broken Heart Poetry | Best Poetry | Zee&Poetry

kyā dukh hai samundar ko batā bhī nahīñ saktā
aañsū kī tarah aañkh tak aa bhī nahīñ saktā

tū chhoḌ rahā hai to ḳhatā is meñ tirī kyā
har shaḳhs mirā saath nibhā bhī nahīñ saktā

pyāse rahe jaate haiñ zamāne ke savālāt
kis ke liye zinda huuñ batā bhī nahīñ saktā

ghar DhūñD rahe haiñ mirā rātoñ ke pujārī
maiñ huuñ ki charāġhoñ ko bujhā bhī nahīñ saktā

vaise to ik aañsū hī bahā kar mujhe le jaa.e
aise koī tūfān hilā bhī nahīñ saktā
WASEEM BARELVI