Apny Chehray se jo Zahir hai Chupaien Kesay | Waseem Barelvi | Love Sad Poetry | Broken Heart Poetry | Best Poetry | Zee&Poetry

apne chehre se jo zāhir hai chhupā.eñ kaise
terī marzī ke mutābiq nazar aa.eñ kaise

ghar sajāne kā tasavvur to bahut ba.ad kā hai
pahle ye tai ho ki is ghar ko bachā.eñ kaise

laakh talvāreñ baḌhī aatī hoñ gardan kī taraf
sar jhukānā nahīñ aatā to jhukā.eñ kaise

qahqaha aañkh kā bartāo badal detā hai
hañsne vaale tujhe aañsū nazar aa.eñ kaise

phuul se rañg judā honā koī khel nahīñ
apnī miTTī ko kahīñ chhoḌ ke jaa.eñ kaise

koī apnī hī nazar se to hameñ dekhegā
ek qatre ko samundar nazar aa.eñ kaise

jis ne dānista kiyā ho nazar-andāz 'vasīm'
us ko kuchh yaad dilā.eñ to dilā.eñ kaise


Facebook:
https://web.facebook.com/ZeeandPoetry

Twitter:
https://twitter.com/ZeeandPoetry

Instagram:
https://www.instagram.com/zeeandpoetry/

#Zee&Poetry