Apeli pushon ceshtjen ndaj Bashes | Lajme - News

Pas 5 seancave që u shtynë, Gjykata e Apeli la në fuqi këtë të enjte vendimin e Shkallës së Parë, duke vendosur përfundimisht pushimin e çështjes ndaj Lulzim Bashës dhe dy zyrtarëve të tjerë të Partisë Demokratike, lidhur me falsifikimin e dokumenteve për lobimin e kësaj force politike në Shtetet e Bashkuara të Amerikës.

Trupës gjykuese të përbërë nga Alaudin Malaj, Shpresa Beçaj dhe Shkëlqim Mustafa iu deshën vetëm 2 orë kohë për të rikonfirmuar vendimin e gjyqtarit të Shkallës së Parë, Lazer Sallaku.

Seanca gjyqësore zgjati vetëm pak minuta në të cilën, sipas avokatit të kryedemokratit, nuk u paraqit asnjë provë e re nga palët.

Më 13 Janar të këtij viti, Gjykata e Tiranës pushoi akuzat pas gati 2 vite hetimesh dhe deklarimeve që Basha dhe bashkëpunëtorët e tij dhanë në Prokurori.

Madje organi akuzës u përça në atë kohë pasi një nga prokurorët kërkoi që zyrtarët e Partisë Demokratike të hetoheshin edhe për pastrim parash mbi shumën prej 650 mijë Dollarë për një lobim në Shtetet e Bashkuara të Amerikës, në prag të zgjedhjeve parlamentare të vitit 2017.

Tv Klan

SUBSCRIBE to ?RTV KLAN? on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/