Marshi në nder të viktimave të aksidentit të Llaskarcës

Me rastin e njëvjetorit të tragjedisë së Llaskarcës ku në një aksident trafiku humbën jetën 16 persona dhe dhjetëra të tjerë u lënduan, qindra persona sot herët në mëngjes kanë filluar marshin memorial nga fshati Llaskarcë, ku para një viti ndodhi aksidenti tragjik ku humbën jetën 16 persona, ndërsa 35 mbetën të lënduar.  Iniciativën për marshin qytetarë e ngriti një grup alpinistësh ndërsa është mbështetur edhe nga komuna e Gostivarit. Marshi është paraparë të përfundoj në sheshin e Gostivarit në orët e pasdites.