Kontrolli i brendshëm i MPB-së shqyrton emërimet e reja të Çulevit

Ministri i Brendshëm Teknik, Naqe Çulev shkon një hap prapa mbi urdhëresat e dhëna ditë më parë përmes të cilave ndaloi sistematizimin e punonjësve policorë nëpër departamente të tjera të Ministrisë së Brendshme. Në takimin mes Çulev dhe zëvendësministres plotësuese Sllavjanka Petrovska është konstatuar që çështja të shqyrtohet nga Kontrolli i Brendshëm në MPB, organ i cili duhet të vërtetojë nëse urdhëresat e Çulev kishin qenë në bazë të duhur ligjore ose jo. Jo zyrtarisht si bazë për shqyrtimin e urdhëresave do të merren edhe praktikat e mëhershme gjyqësore.