صفحة البرنامج
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z

في مباراة كل الأخطاء الفردية و الفنية و الأدارية الزمالك يتصدق بكاس السوبر المصري

في كل اندية العالم الناس بتخسر تزعل للخسارة و خلاص .. في الزمالك بتخسر و تزعل برضه لكن الأكشن مبينتهيش عند الخسارة .. لازم تفضل كمان سهران طول الليل مترقب النكد الأكبر من نكد الهزيمة هييجي منين .. و تبتدي تسأل نفسك يا ترى هنقضي الأسبوع الجاي بنصالح مين على مين بنطيب خاطر مين بنكدب على مين و نفهمه انه فهم غلط و ان الموضوع مش كده

كلاكيت مليون مره احنا اكتر فريق بيخسر بالتفاصيل و الأهلي اكتر فريق بيكسب بالتفاصيل و عشان كده لو مش راكبين فنياً بمسافه مريحه بتكون دايما فرصة الاهلي في المكسب اعلى


باستثناء لقطة و تنفيذ ضربة الجزاء مباراة جيدة من كهربا متوسطة من باسم مذرية من محمد ابراهيم جيدة من طارق حامد هايلة من الشناوي ممتازة من دويدار و مذهلة من عمر جابر

حتى لو حفني عيان و مش قادر و حتى لو حمودي لسه مجابش فورمته .. ايه الماتش الكبير اوي اللي عمله فعلا محمد ابراهيم من يوم ما رجع عشان يكون اجدر بالمكان ده في ماتش زي ده من مصطفى فتحي

اعتقد دمي هيبقى تقيل لو اتكلمت على عدم الضغط ع الخصم و هيبقى يلطش لو اتكلمت على المسافه قدام قلبين الدفاع و تحت طارق حامد و هبقى معنديش دم اصلا لو اتكلمت على تفصيلات الماتشات

مباراة مذهلة من حسام غالي هو اقوى لاعبي مصر شخصية و اقدرهم على الرد في الملعب على اي امور بره الملعب .

تعيين مدرب عام بصلاحيات او بين قوسين تطفيش فيريرا هو قتل لموسم قبل ما يبدأ .. فيريرا مدرب جيد .. مش سوبر بس جيد .. مش عاجبك مشيه و هات غيره على مستوى الزمالك

اخيرا .. مش هنقلل من بطولة كان نفسنا ناخدها .. لكنه ماتش غير معبر عن فرق مستوى عارفينه كويس و ظهر في الدوري و الكاس و كان ممكن يتترجم كمان انهارده لولا حكم أسباني