الكورة مش مع عفيفي #3 - تحليل مباراة الزمالك والنجم الساحلي 3-10-2015

  • 5 years ago
صفحة البرنامج
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z

في ملحمة لن تنساها لعبة كرة القدم الزمالك كان على بعد هدف من انجاز المباراة الاعظم في تاريخ اي فريق كرة قدم مصري لولا ارادة الله

بداية متوقعة من النجم .. رخامة ضغط على الخصم استقتال في الألتحامات و في اللحظة اللي بيحاول فيها الزمالك يلم الملعب بيطلق المدافع الدولي المسئول الناضج العاقل علي جبر رصاصة تعجيزية على زمايلة و جمهورة و نادية و كأن اسوار المستحيل كانت ناقصه تعلى اكتر

عشان تزداد الملحمة ملحمية بيتقدم 10 لاعيبة بجول صناعة بطلين من ابطال المعركة كهربا و ايمن حفني عشان تتسلل اليك فجأه مشاعر صعب تتوصف .. و تفاجأ بنفسك بتسأل السؤال الصعب .. يارب هو ممكن فعلا بالظروف دي نعملها؟

متناقضات كتير غريبة بدأت في الظهور .. احنا 10 بس اقوى و احنا اقوى بس مبنشكلش خطورة .. طارق حامد لاعيب واحد بس ب3 لاعيبة و كهربا مجهد بس بيرقص ترقيصات عجيبة .. كل شيء مدي ظهره للمنطق و ماشي في اتجاه تاني .. السؤال بيلح تاني .. هو ممكن بجد يارب نعملها في الظروف دي؟

مكنش حد فيكم قادر قبل ما يحتفل بضربة الجزاء يجري على الحكم يقوله ده اخر لاعب اديلة طرد؟

مصطفى مشكلش خطورة خالص ناحية الشمال زي ما كان منتظر منه .. لكنه ساهم في ما هو اهم .. هدف تالت .. ايوه 3 اهداف بعشر لاعيبة .. 17 كيلو ادرينالين ضربوا في عروقي حسيت ان قلبي هيقف او فعلا وقف .. ممكن بجد نعملها؟ ده ميبقاش ماتش كبير و لا ماتش تاريخي دي تبقى معجزة .. يارب


رغم الأستنزاف البدني اللي مغطينا فيه الأداء البطولي لدويدار و العظيم لكوفي و اللإعجازي لطارق حامد الا اننا برضه قربنا و هددنا و ياااااااااااه كنا هنعملها لكن ربنا لحكمة ما مأرادش عشان نودع بطولة عشنا فيها سيناريوهات كتير جميلة لكن يبقى اعظمها و اكثرها ملحمية سيناريو الرحيل

رسائل سريعة
الى الوايت نايتس
تروح تشجع اللاعيبه و توصلهم من المعسكر للملعب عشان بس تقويهم و تمشي من غير ما تثير مشكلة واحده مع اي حد ده موقف يتوقفلك فيه احتراما و تترفعلك فيه كل القبعات


الى مرتضى منصور
الأصل في فكرة العقوبة هي الحفاظ على النظام و بالتالي الأستقرار .. الكلام في تفاصيل عقوبات او اسابها اعلاميا بيشعل الأمور اكتر لأن اللاعب المعاقب بدل ما بيحس انه محترف و غلط بيحس انه انسان و اتهان الموضوع بيبقى شخصي بالتالي ممكن ياخد رد فعل خارج حدود طبيعتة الشخصية و نحتاس كلنا على ما نلمها و كنتيجة لده النظام و الأستقرار اللي هما اصلا هدف العقوبة هما اول حاجات بتفقدها .. كل مشكلة لو جبنا اصلها هنلاقيها كبرت لما اتقالت اعلاميا

الى لاعبي الزمالك مبروك عند الهزيمة بتقتل الطموح العام في النادي بالتدريج و بتنزل بسقف الطموحات و الهزيمة مهما كانت مشرفة تبقى هزيمة .. مبروك بتتقال في الفوز بس

الى كل ما هو زملكاوي
كلنا بشكل او بآخر محتاجين بعض اكتر ما محتاجين نثبت قوتنا لبعض

Recommended