صفحة البرنامج
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z

في مباراة حرق الأعصاب و القبض على امل في غرفة نوم جنش الزمالك يخطو خطوة هي الأصعب حتى الآن في طريق الثنائية و قولوا يارب

عزيزي فيريرا لما الشناوي هييجي مش جاهز و بالتالي ممكن ميشاركش ماتشات الحرس و الاتحاد كنت بتديلة اجازه من الأول ليه؟ لما حازم مصاب و حتى لو مكنش طلبة اصيب عمر بيسافر فرنسا ليه؟ و لما الموسم زي ما كلنا عارفين طويل و صعب و مجهد معملتش روتاشن ليه .. فيريرا هو المسئول الاول عن كل اللي حصل في ماتش الأتحاد ولو كنا خرجنا لا قدر الله كانت هتبقى مسئوليته لوحده

اعزائي الكرام لاعبي نادي الزمالك .. ايه التكاسل و الرعونه دي .. رتم بطيء و حركة بطيئة كأن في رجليكم كياس رمل .. حتى لو مجهد انت بتلعب على بطولة الخروج منها من ماتش واحد ..

في مباراة انعدام مفاتيح اللعب كل اللي اتغيروا كانوا هما مفاتيح اللعب و كل اللي نزلوا لاعيبه جدد .. ايه المنطق

في ظل وفرة المواهب في الزمالك حاليا لازم يفهم مصطفى فتحي ان مبقاش في رفاهية لعب ماتش و ماتش و مع فيريرا اللي بيبعد متعرفش ممكن يرجع امتى

لازم باسم مرسي يرتاح شوية .. اجهاد باسم شيء واضح لأي اعمى و لولا ان مفيش بدائل قريبه منه في المستوى كنت قلت يركن .. لكن مبدئيا و لغاية ما نجيب فرود تقيل لازم التعامل مع باسم بدنيا يبقى بحرص شديد عشان يكمل بينا الموسم

زون ديفينس و كاونتر اتاك منظمين من الأتحاد هم خير معبر عن مالدينوف .. مدرب مبشر جدا اما في الملعب ملفتش نظري فرديا غير رمزي خالد .. ان شاء الله الأتحاد يكون محطة ابننا اوباما للعودة مره تانيه لبيتة الزمالك

قدملنا طارق حامد شوط اول يليق بمستواه الرائع المعتاد لكنه فاجأني في الشوط تاني باكتر من ميس باص نص ملعبنا و ارتكاب فاولات ملهاش لازمه و تقهقر في لقطة سيئة امام حامل الكره ..

شريف علاء .. علل

تفصيلات الماتش
1- كهربا لازم يتقل رجله شوية في التسديد .. كهربا بيعمل كل حاجه بقوة و ييجي عند التسديد بيبقى حنين

4- في كل مره ضغطنا عليهم من بدري اخدنا الكوره او اجبرناهم يطلعوها بره مش عارف ليه مصرين نرجع ورا اوي و نسيب نص الملعب مادام الضغط بدري بيجيب نتيجة

بعيدا عن ان حارس الأتحاد اترمى كل الكرات في نفس الزاوية سعادتي مضاعفة بتسجيل مكي و كهربا .. كهربا بالذات في عز ما كنت خايف علينا كنت خايف عليه هو نفسه .. الحمد لله

برافو يا جنش على انضابطك و تركيزك و مجهودك كمان في موسم الأنتقالات .. يمكن اختصار الماتش في ان الكل اخطا و رجل المباراة جنش دارى على اخطائهم جميعاً و صعد بينا لقبل النهائي و حافظلنا على حلم الثلاثية .