Krerët e 2 institucioneve më të larta në vend e kanë thelluar përplasjen pas vendimit të Presidentit Meta për të mos dekretuar të propozuarin e Edi Ramës si Ministër të Brendshëm.

Edi Rama ishte i drejtpërdrejt me deputetet e tij, të cilëve u tha se kreu i shtetit kishte shkelur Kushtetutën me këtë vendim dhe se maxhoranca socialiste do t?i dalë zot librit themeltar të shtetit e nuk do të qëndrojë në pozitat për t?iu diktuar vendimet e saj.

Dhe hapi i parë për ta mbrojtur atë është miratimi në një seancë të jashtëzakonshme të martën i dekretit të shkarkimit të Fatmir Xhafaj dhe emërimi i Sandër Lleshit si zv.ministër i brendshëm, me kompetencat për të drejtuar këtë dikaster.

?Nuk jemi për konflikt me Presidentin. Edhe pse vendimi i Presidentit është një ftesë për konflikt, me apo pa dashje, ne nuk duam. Ne kemi detyrë të ezaurojmë çdo mundësi, por nuk do të qëndrojmë në pozitë të diktuar. Emërimi nesër si zv.ministër është fillimi i procesit, jo fundi. Nesër do të fillojmë t?i krijojmë Presidentit bindjen, është hapi i parë. Nesër në seancë do të kërkojmë shkarkimin e Xhafës dhe pas seancës nesër emërimi i Sandër Lleshit zv.ministër. Ne nuk na dikton askush, jemi shumica, kemi mandat për të udhëhequr Shqipërinë por s?duam konflikt. Ne do rrimë në binarët e Kushtetutës, na takon ta mbrojmë atë. Mos dekretimi i është shkelje e kushtetutës, por mungesa e Gjykatës Kushtetuese na krijon këto probleme, por ne duhet të gjejmë mënyra të tjera. Parlamenti është sovran, merr vendimet e veta.?