http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Aeroporti i Vlorës do t?i kushtojë buxhetit të shtetit të paktën 2.5 milionë dollarë në vit. Kjo shumë do të jetë subvencionim në rast të trafikut të munguar të pasagjerëve. Bazuar në studimin që është kryer për këtë vepër publike, është parashikuar që numri i pasagjerëve të jetë 600 mijë në 2-3 vitet e para. Nëse ky numër nuk arrihet, atëherë qeveria do ta mbështesë financiarisht kompaninë turke.



Dy ministrat Damian Gjiknuri dhe Arben Ahmetaj raportuan në Komisionin e Ekonomisë lidhur me kostot dhe rrisqet e këtij aeroporti. Opozita e vlerësoi këtë nisëm një pazar të qeverisë, pasi kuvendi nuk është njohur me ofertën e turqve.



Edhe pse opozita votoi kundër, ajo që ra në sy ishte vota pro e deputetit demokrat nga Vlora, Agron Shehaj.

Ndonëse qeveria Rama e ka shpallur Turqinë si një investitor strategjik, për deputetin Dashamir Shehi, vendit më së shumti i nevojiten investitor evropian.



Sipas marrëveshjes së rishikuar, në 2019 përfundon kontrata me koncesionarin e Rinasit, çka do të thotë se ky aeroport do të jetë më pas në pronësi të shtetit. Zhvendosja e trafikut të pasagjerëve nga aeroporti ?Nënë Tereza? drejt atij të Vlorës do të ndikojë në pakësimin e fitimeve të shtetit, për t?i orientuar ato drejt konsorciumit turk.