Aaj Roothay Huvy Sajan Ko Bohat Yaad Kiya with Lyrics (Saghar Siddiqui) - Urdu Poetry by RJ Imran Sherazi

Aaj Roothay Hue Sajan Ko Bohat Yaad Kiya
Apnay Ujray Huay Gulshan Ko Bohat Yaad Kiya

Jab Kabhi Gardish-e- Taqdeer Ne Gheara Hai Hamain
Gaisua-e- Yaar Ki Uljhan Ko Bohat Yaad Kiya

Shama Ki Jot Pe Jaltay Huay Parwanon Ny
Ik Tere Shola Daman Ko Bohat Yaad Kiya

Jis Ke Mathay Py Nayee Subah Ka Jhoomar Hoga
Hum Ne Uss Waqt Ki Dulhan Ko Bohat Yaad Kiya

Aaj Tootay Huay Sapnon Ki Bohat Yaad Aayee
Aaj Beetay Huay Sawan Ko Bohat Yaad Kiya

Hum Sar-e- Tor Bhi Mayoos-e- Tajalli Hi Rahay
Is Dar-e- Yaar Ki Chilman Ko Bohat Yaad Kiya

Mutmayeen Ho Hi Gaye Dam-o- Qafas Main Saghar
Hum Aseeron Ne Nasheman Ko Bohat Yaad Kiya..!!

Poet: Saghar Siddiqui
Voice: Imran Sherazi