Notte napulitana Maria Clotilde Cundari

Notte napulitana
Maria Clotilde Cundari
❤️
‘A luna stenne na cupertella
'e luce ‘ncopp’ô mare
e ‘o mare s’arrècrea,
arrecetta e luccechèa
poi chiamma ncielo ‘e stelle:
Venite, favurite
vuje site sempe ‘e cchiú gradite
pecché ‘a notte vo’ ‘e cannele
pe fà luce ’nzieme ‘a luna
e chi ‘e conta ad una ad una
o è 'nu pesce 'nzunnecchiato
o è 'nu core nnammurato.
E ‘o Vesuvio ca se fruscia
alliccat' int’ â marina
s’he stipato ‘a meglia stella
pe brillà fin’ â matina.
'Nu lampione rusicanno
chin’ ‘e scuorno
vire ‘e stelle nzieme â luna
e se vulesse levà ‘a tuorno
poi ce pienza… e
poco primma ‘e se stutà
va alluccanno:
ma vattè’ chi se ne fotte
cumme a vuje anch’io ogne notte
tengo chesta bella ciorta
‘e fà luce a ‘sta città Maria Clotilde Cundari
Poesia
Totò
Zuoccole tammorre e femmene