નવા વર્ષની શરુઆત સાથે વધશે ઠંડી

દેશમાં ઠંડીનો ચમકારો નવા વર્ષની સાથે યથાવત જોવા મળી રહ્યો છે. ઉત્તર ભારતના રાજ્યોમાં ઠંડીનો કહેર વધશે. પર્વતીય વિસ્તારોમાં હિમવર્ષાથી ઠંડી વધવાની શક્યતા જોવા મળી રહી છે. આ સિવાય ઉત્તર ભારતમાં ગાઢ ધુમ્મસની હવામાનની આગાહી છે. દિલ્હીમાં તાપમાનનો પારો 8 ડિગ્રીની આસપાસ રહેવાની શક્યતા છે તો સાથે ઉત્તર પ્રદેશમાં ઠંડી 10 ડિગ્રીની નીચે જશે. આ સિવાય હવામાન વિભાગની આગાહી અનુસાર દેશમાં 4 જાન્યુઆરી સુધી કડકડતી ઠંડી પડવાની શક્યતા જોવા મળી રહી છે. ગાઢ ધુમ્મસના કારણે લોકો મુશ્કેલીમાં મુકાઈ રહ્યા છે. આ સિવાય ધુમ્મસના કારણે કેટલીક ટ્રેનો પણ રદ્દ કરવામાં આવી છે.