હું હંમેશા સચિન તેંડુલકરની જેમ રમવા ઈચ્છતો હતો: ધોની

ચેન્નાઈ સુપર કિંગ્સ (CSK) એ ટ્વિટર પર એક વીડિયો શેર કર્યો છે, જેમાં એમએસ ધોની બાળકોના સવાલોના જવાબ આપતા જોવા મળે છે. આ વીડિયોમાં ધોની પોતાના આદર્શ ક્રિકેટર માટે સચિન તેંડુલકરનું નામ લેતો જોવા મળી રહ્યો છે. ધોની કહે છે કે તે હંમેશા સચિન તેંડુલકરની જેમ રમવા માંગતો હતો. વીડિયોમાં ધોની કહી રહ્યો છે કે, 'જ્યારે હું તમારી ઉંમરનો હતો ત્યારે હું તેને (સચિન તેંડુલકર) જોતો હતો. હું હંમેશા વિચારતો હતો કે મારે આ રીતે રમવું છે પરંતુ એવું ન થઈ શક્યું. મારા દિલમાં હું હંમેશા તેની જેમ બેટિંગ કરવા માંગતો હતો. તે ક્રિકેટની મૂર્તિ હતી.