पंजाबमध्ये कर्तव्य बजावताना बारामती तालुक्यातील सोनगाव येथील सीआरपीएफ जवान अशोक बापुराव इंगवले यांना मंगळवारी वीरमरण आले. शहीद जवान अशोक इंगवले यांच्यावर शासकीय इतमामात अंत्यसंस्कार करण्यात आले. सोनगाव परिसरासह तालुक्यात अशोक इंगवले यांच्या निधनाने सर्वत्र शोककळा पसरली आहे. भारतीय लष्करी सेवेत असलेल्या जवानाला पंजाब येथे तैनात असताना ते विकाराच्या तीव्र झटक्याने वीरमरण आले. पंजाबमधील अमृतसर या ठिकाणी अशोक इंगवले हे बंदोबस्तावर होते. अशोक इंगवले हे मागील सात वर्षापासून सीआरपीएफ जवान म्हणून सेवा बजावत होते. वीर जवान अमर रहे! अशोक इंगवले अमर रहे अशा घोषणा देत शासकीय इतमामात अंत्यसंस्कार पार पडले. त्यांच्या मृत्यूपश्चात पत्नी, मुलगा व एक मुलगी, आई-वडील व लहान भाऊ असा परिवार आहे.