Gëzim Beqaj, sekretar i Përgjithshëm i Shoqatës Shqiptare e Inxhinierëve Konsulentë ka folur mbi problematikën e shembjes së rrugëve dhe urave për shkak të përmbytjeve të ditëve të fundit. Në një intervistë për Report Tv, me gazetarin Besard Jacaj tha se këto gjëra ndodhin pasi në Shqipëri janë prishur institucionet dhe nuk mbahet më asnjë përgjegjësi për dëmin që bëhet. Inxhinieri Beqaj shprehet se dy janë problematikat madhore, mungesa e Institucionit të Ndërtimit dhe Urdhrit Inxhinierik, që sjell dhe shmangien e përgjegjësisë dhe mosmbajtjes së fajit për prishjen e rrugëve apo urave.