http://www.vizionplus.tv
https://facebook.com/VizionPlusTV
https://twitter.com/VizionPlusTV
Naftëtarët e uzinës së Ballshit dolën sërish në protestë këtë të premte. Ata kërkuan hapjen e uzinës dhe rikthimin e tyre në punë pasi përgjatë gjashtë muajve të fundit e vetmja e ardhur për familjet e tyre ka qenë ajo nga paga e luftës. Naftëtarët u bën gjithashtu thirrje drejtuesve të kompanisë që të ulen në bisedime sa më shpejt në lidhje me kontratat e reja si dhe për çështjen e pagave të prapambetura.Punonjësit e rafinerisë thanë se ndodhen në vështirësi financiare ndërsa paralajmëruan përshkallëzim të protestave. Në uzinën e Ballshit janë rreth 850 punonjës të cilët prej janarit kanë mbetur të papunë për shkak të bllokimit të punës në rafineri.