Hans k Bola Karo | Adam | | Love Sad Poetry | Broken Heart Poetry | Best Poetry | Zee&Poetry

ہنس کے بولا کرو بلایا کرو
آپ کا گھر ہے آیا جایا کرو
مسکراہٹ ہے حسن کا زیور
روپ بڑھتا ہے مسکرایا کرو
حد سے بڑھ کر حسین لگتے ہو
جھوٹی قسمیں ضرور کھایا کرو
حکم کرنا بھی ایک سخاوت ہے
ہم کو خدمت کوئی بتایا کرو
بات کرنا بھی بادشاہت ہے
بات کرنا نہ بھول جایا کرو
تا کہ دنیا کی دلکشی نہ گھٹے
نت نے پیرہن میں آیا کرو
کتنے سادہ مزاج ہو تم عدم
اس گلی میں بہت نہ جایا کرو
عبدالحمید عدم