صفحة البرنامج
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z

باداء و روح و عزيمة صفر زمالك نسخة العشرية السوداء يحقق اهم فوز غير مستحق فنيا له هذا الموسم

بداية تشبه بدايات الزمالك مؤخراً لا روح لا فنيات لا جملة لا شيء .. الكورة بتروح لكهربا بياخدها و يجري تتقطع تروح لحفني يحاول يعدي ميقدرش فياخد اوت او فاول او تتقطع تروح لباسم يا يتزحلق يا تتقطع .. مفيش ميكانيزم معين وواضح لشكل الهجوم غير ان ربنا يوفق حفني و كهربا و باسم و محمد ابراهيم في لقطات فردية .. دي اسمها خطة ربك كريم بس انت متقاطعش

طارق حامد الحاصل اصلا على انذار بيتهور في كورة مشتركة عشان يبوظلنا الماتش اكتر ماهو بايظ .. انذار طارق الأول غير مستحق بس خلاص حصل و انت عارف ان عندك انذار ازاي تقديرك يقودك تشترك بالتهور ده؟ متجيش منك انت يا طارق

مينقذكش و انت بتلعب ناقص غير روح و دوافع اعلى من المنافس لتعويض الفارق البدني و فرض الشخصية في الملعب + مجموعة لاعيبة بكواليتي اعلى من المنافس يعملولك فارق فني .. اللي حصل ان الزمالك كان اقل رجولة و اقل حرص على الكورة و اقل فنيا عموما

في الشوط التاني بيخرج باسم مرسي لحساب مصطفى فتحي .. بنبدأ اسرع نسبيا .. بنحاول نروح وههه بنلبس جول .. لقطة مزرية لاسلام جمال و ابراهيم صلاح كملها معروف بعدمرتغطية قلب الملعب و كررها بعدها كذا مره بنقع نفسيا و فنيا .. واقفين في نص ملعبنا بلامبالاة .. لا وجود لأي كثافة عددية هجومية ولا اي رغبة حقيقية في التعويض الماتش بيهرب بهدوء كاننا رضينا بالامر الواقع .. باختصار بنموت بالبطيء استمر السيناريو الحزين دقيقه ورا دقيقه الا ان حانت لحظة التحول بسقوط عمر جابر .. بعد دقيقة من الرعب و الدعوات و توقف القلوب بيقوم عمر جابر و يرد فينا و في زمايلة الروح باصراره على استكمال الماتش .

مصطفى فتحي بيصالحنا عن آخر ماتشين بمجهود كبير لتنتهي الكورة عند مكي اللي بيرجعنا للماتش تاني من زاوية مقتولة .. جميله يا مصطفى و يا ابن اللاعيبة يا مكي .. التحول في حالة الزمالك فتح نفس مصطفى فتحي اكتر يعوضنا عن نقصان لاعب بالأفضلية الفنية اللي اتكلمت عليها .. كلما كان عندك لاعيبة بتعمل اللي خصم ميقدرش يعمله بيقل اثر النقص العددي


اللحظات اللي طلعت فيها الكورة من رجل دويدار لغاية ما دخلت المرمى انا عييت و خفيت و سافرت و رجعت و درست و ذاكرت وامتحنت و نجحت و عشت و مت مليون مره يخربيت اعصابك يا دويدار

في آخر لحظات اللقاء كهربا بيتجاوز نقطة انه عاله على الفريق لنقطة ابعد وهي تدمير مجهود زمايلة كمان عشان يبروز الصفر الفني الكبير طول الماتش
نقاط سريعة