صفحة البرنامج
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z

المنتخب يبدا رحلة الذهاب الى روسيا اللي مش عارف هنروحها من غير طيران ازاي بخسارة مخجلة امام فريق جماهيره متعرفض اسامي لاعيبته

في دراسة اجراها باحثين في علوم البؤس و الأفلاس و اللي تبيلك و تجيب اللي فيها فيك خلصت الى ان السبب في ازمة فرنسا و سوريا و العراق و ليبيا هو ان اسامه نبيه مسيطر على هيكتور كوبر و المنتخب بقى منتخب الزمالك

انا بعد كل ماتش للكواليني بفضل الدغ في الكاف و القاف لمدة شهرين

فنيا و باختصار شديد .. محروين ارتكاز دفاعيين بلا امكانيات هجومية او ابداعية على يمينهم و شمالهم وينجين بيعلبوا من وضع حركة باستمرار بلا اي امكانيات في الوقوف على الكورة و صناعة اللعب او قيادة الهجمات قدامهم فرودين بالتاكيد مبيوصلهمش حاجة .. كوبر اعتمد جدا على فتح عرض الملعب مؤمن ماسك اقصى الخط اليمين و كهربا ماسك اقصى الخط الشمال و ارسال كروسات من اليمين للشمال و العكس استغلالا للمساحات العكسية في ظهر المدافعين

الشناوي جيد في الأختبارات المعدوده .. كهربا مظهرش غير في لقطات قليلة جدا كان فيهم مصدر خطورة المنتخب الوحيد غير كده فاكك و بيتصرف بالكورة غلط .. مش فاهم ايه الفكرة اني كل ما استلم اجري و ارقص .. ازاي كهربا هيعيش بخيارات قليلة كده حتى لو بيجيد كل منها كويس .. حجازي و دويدار و عمر معقولين .. مؤمن زكريا زي ما بقول من سنه و نص اما يفاجيء و يفنش جوه ال18 او يضغط على الخصم و يقطع الكورة و في الحالتين ميلمسش الكورة اكتر من لمستين تلاته بالكتير لكن تطلب منه يقف عليها و يصنع لعب مستحيل

حارس تشاد مش مكفيه ملل الماتش قعد يتعالج 5 دقايق لوحده من غير ما حد يلمسه ..

هدف مسئولية مشتركة بين صبري رحيل و سعد سمير .. صبري طول الشوط التاني بيدور ع الشلن و سعد سمير كلاكيت مرات كتير لما بيسيب مساحته بخطوة واحده لقدام بتتلعب في ظهره مبيلحقش يغطي