صفحة البرنامج
https://www.facebook.com/ElkoraMshM33fify
كتابة وتعليق: أحمد عفيفي
https://twitter.com/Ahmed1Afify
https://www.facebook.com/ahmed.afify.549
مونتاج وإخراج: محمد مجدي
http://www.youtube.com/user/forzamalek1911
https://twitter.com/kanzaman_4my
https://www.facebook.com/mohammedmagdi.k.z

ب6 نقط و 8 اهداف في ماتشين هيكتور كوبر يبدأ رحلة البحث عن النهايات السعيدة مع منتخب مصر

من سنتين عشنا تجربة هاية مع بوب برادلي انتهت برغبة ملحة من خبراء الكنافة في اقالة الراجل بعد سداسية غانا لأن زي ما كلنا عارفين طبقا للكنافة فيرست لو اللي يتغلب 6 يمشي .. نفس الخبراء بنفس الكنافه كانوا شنوا نفس الحملة ضد العظيم الجوهري لما خسر من اليونان بنفس النتيجة بعد عودته من كاس العالم .. انهارده بنعيش تجربة شبيهة جدا لمدرب كبير بيعيد رسم ملامح منتخب قوي شاب متطور لو عايزين نقيمه نقيمة دلوقتي لو ماشي كويس يكمل حتى لو خانته اللحظة الأخيره لأن اللحظه الأخيره عمرها ما بتكون اخيره بييجي بعدها تاني لحظات و تصفيات و بطولات فحتى لو محصلش اللي نفسنا فيه ياريت منضيعش بكرة بغضب انهارده

كوبر بيقابل دفاعيا في التلت التالت من الملعب دون اي مجازفة بدفاع المتقدم او اوفسايد جيم مع الأعتماد على المرتدات ب4 لاعيبة .. كهربا و رمضان صبحي فاتحين عرض الملعب طول الوقت في انتظار حد يمريلهم في المساحات مع باسم و صلاح في العمق .. باسم و كهربا كانوا حاسمين رمضان كان سيء جدا صلاح مكنش صلاح

تشكيل كوبر بالتأكيد هيتغير في الماتشات الأصعب .. كهربا و رمضان قليلين في الضغط و التغطية الدفاعية .. الهدف اللي جه فينا مسئولية مشتركة بين رمضان اللي كان لازم اول حازم ضم جوه ال18 يعمل هو شيفتينج مكانه و يبقى باك رايت بيشترك معاه في السئولية الشناوي اللي كان يقدر لو واقف صح ياخد خطوه لورا و يطلع بالبوكس فوق العارضة .. يمكن ده ماتش سهل لكن مش هنقدر نستحمل سوء التغطية الدفاعية من الجناحين

اهم اكتشافات المنتخب في ماتش تشاد حتى مع الأخذ في الأعتبار سوء مستوى الخصم هما قلبن الدفاع ربيعة و حجازي اللي قدموا اداء ثابت راسي عاقل قوي للمره التانيه على التوالي بشكل هيصعبها جدا على اي منافس ليهم في المقابل حازم و رمضان صبحي اكتر لاعبين اماكنهم في التشكيل الأساسي مهددة

عائدا لشكله و مستواه بيسجل السفاح الهاتريك الأول لمنتخب مصر من ايام ما كنت في تانية اعدادي و بيشارك كمان في هدفين صلاح و كهربا حمد الله ع السلامة يا باسم
ممكن اسأل سؤال .. ايه يا ابن اللاعيبه ده؟ فقرة صغيرة على كهربا حته من اغنية مثلا رقص و تنطيط على لقطات ليه